LOPIVI
Que é a LOPIVI?
A Lei Orgánica de Protección Integral á Infancia e á Adolescencia fronte á Violencia (LOPIVI, Lei 8/2021, do 4 de xuño) nace para dar unha resposta ampla e coordinada á necesidade de protexer a nenos, nenas e adolescentes fronte a calquera forma de violencia.
En España supón un avance moi importante nesta materia e converteuse nunha referencia a nivel europeo. O Observatorio da Familia e da Infancia de Galicia, a proposta da Secretaría Xeral para o Deporte, o 14 de maio de 2024 aproba a posta en marcha do Protocolo de Protección dos Nenos, Nenas e Adolescentes (NNA) fronte a Violencia no Deporte.
O obxectivo principal é crear contornos seguros e libres de violencia en todos os espazos onde participan persoas menores de idade, tamén no deporte.
Como aplicamos a LOPIVI no club?
Dende os clubs traballamos co compromiso de educar no respecto, na igualdade e na prevención da violencia. Para iso, perseguimos estes obxectivos:
- Previr a violencia mediante accións educativas incluídas na actividade do club
- Formar e sensibilizar a deportistas, familias e equipo técnico en toda cuestión relacionada coa prevención da violencia
- Detectar de maneira temperá calquera sinal de maltrato, abuso ou neglixencia
- Asegurar a atención e recuperación física, emocional e social das persoas menores que poidan sufrir algún tipo de dano.
- Reforzar o dereito de nenos, nenas e adolescentes a seren escoitados e escoitadas.
- Traballar en coordinación con outras entidades e institucións.
Decálogos LOPIVI
Quen xestiona a LOPIVI?
Contamos cun equipo especializado que lidera a implantación da lei no club:
Delegada LOPIVI
Natalia Gomez Blanco
Coordinadora xeral
- Diplomada en Educación Social, especialista en Educación Emocional
- Máster en Psicoloxía Positiva
- Técnica Nivel III en Ximnasia Rítmica
- Técnica en Mediación
Funcións
- Coordinación xeral do procedemento
- Formación do persoal técnico e da directiva
- Elaboración de documentación
- Persoa de contacto en caso de dúbidas ou incidencias
- Recollida de información, reunión con persoas afectadas e seguimento das actuacións necesarias
Equipo de apoio LOPIVI
Alba Estévez López
- Graduada en Maxisterio (Infantil e Primaria)
- Técnica Nivel III en Ximnasia Rítmica
Raquel Dafonte Rodríguez
- Licenciada en CCAFYD
- Máster en Xestión Empresarial do Deporte
- Técnica Nivel III en Ximnasia Rítmica
Néstor González Pérez
- Graduado en Maxisterio
- Técnico Superior en Actividades Físicas e Deportivas.
- Técnico Nivel III en Ximnasia en Trampolín
Funcións principais do equipo
- Formación a ximnastas e familias
- Acompañamento e reunión coas persoas afectadas cando sexa necesario
Que facer se coñeces un posible caso?
Se cres que alguén no Club ou na Escola pode estar sufrindo algunha situación de violencia, podes comunicarte a través dos seguintes correos:
Tamén podes empregar o Buzón, situado no Polideportivo do Campo da Feira, onde é posible deixar de forma anónima calquera observación ou preocupación.