Os ximnastas do Club Escola Pavillón e do Club Ximnasia Pavillón Ourense volveron demostrar o gran momento que atravesa a sección de trampolín durante a Copa Deputación celebrada este sábado en Celanova.

A competición reuniu a máis dun cento de deportistas das distintas escolas e clubs da provincia nunha intensa xornada na que os nosos ximnastas acadaron numerosos podios tanto en minitramp como en tumbling, premiando así o traballo realizado ao longo de toda a tempada.

Grandes resultados en minitramp

Na categoría alevín feminina, Lía conseguiu a medalla de prata e Clara subiu ao terceiro chanzo do podio. Entre os rapaces da categoría alevín, Antón proclamouse campión e Xan acadou a segunda posición.

Na categoría infantil feminina, Antonella conseguiu unha meritoria medalla de bronce.

Especialmente destacado foi o resultado da categoría cadete feminina, na que as nosas ximnastas ocuparon as tres posicións do podio. Alesandra proclamouse campioa, Sofía foi segunda e Naiara completou o podio coa terceira posición. En categoría cadete masculina, Gael tamén conseguiu unha medalla de bronce.

Na categoría xuvenil feminina, Alba rematou en terceira posición. Entre os xuvenís masculinos, Alexandre conseguiu o ouro e Fran acadou a prata.

Por último, Daniel proclamouse campión na categoría absoluta masculina, pechando unha excelente actuación dos clubs pavillonistas nesta modalidade.

Podios tamén en tumbling

Os bos resultados continuaron na competición de tumbling. Leo conseguiu a medalla de bronce na categoría benxamín masculina.

Na categoría alevín masculina, Xan volveu subir ao máis alto do podio proclamándose campión, mentres que Antón acadou unha nova medalla de bronce.

En categoría cadete feminina, Laura conseguiu a terceira posición e Ada repetiu resultado na categoría xuvenil feminina.

Pola súa banda, Alexandre completou unha gran xornada sumando unha nova medalla, nesta ocasión a prata na categoría xuvenil masculina.

Un gran peche para a tempada

Máis alá dos excelentes resultados, a competición serviu para confirmar a progresión de todos os ximnastas ao longo da tempada. O esforzo diario nos adestramentos, o compromiso das familias e o traballo do equipo técnico reflíctense nunha sección que continúa medrando ano tras ano.

Desde os Clubs Pavillón queremos felicitar a todos os nosos deportistas pola súa entrega e actitude durante toda a xornada. Estamos moi orgullosos do camiño percorrido e de todo o conseguido nesta tempada.

Resultados:

Mintramp Benxamín Femnino: 7ª Ariadna

Minitramp Benxamín Masculino: 5º Leo, 10º Adrian, 10º Noah

Minitramp Alevín Femenino: 2ª Lia, 3ª Clara, 4ª Emma, 5ª Helia, 6ª Africa

Minitramp Alevín Masculino: 1º Antón, 2º Xan, 4º Daniel

Minitramp Infantil Femenino: 3ª Antonella, 5ª Yanet, 6ª Olivia

Minitramp Infantil Masculino: 5º Mauro, 6º Adrián, 7º Martiño

Minitramp Cadete Femenino: 1ª Alessandra, 2ª Sophie, 3ª Naiara, 4ª Laura

Minitramp Cadete Masculino: 3º Gael, 4º Ero, 5º Rodrigo

Minitramp Xuvenil Femenino: 3ª Alba, 4ª Noa, 5ª Alessia, 6ª Alba, 7ª Ada

Minitramp Xuvenil Masculino: 1º Alexandre, 2º Fran, 5º Leo

Minitramp Absoluto Masculino: 1º Daniel

Tumbling Benxamín Femenino: 9ª Ariadna

Tumbling Benxamín Masculino: 3º Leo, 7º Adrián, 9º Noah

Tumbling Alevín Masculino: 1º Xan, 3º Antón, 4º Daniel

Tumbling Infantil Femenino: 12ª Olivia, 18ª Antonella, 19ª Yanett

Tumbling Infantil Masculino: 4º Mauro, 7º Martiño, 8º Adrián

Tumbling Cadete Femenino: 3ª Laura, 11ª Alessandra, 12ª Naiara, 13ª Sophie Antonella

Tumbling Xuvenil Femenino: 3ª Ada, 7ª Alba, 8ª Noa, 9ª Alba, 10ª Alessia

Tumbling Xuvenil Masculino: 2º Alexandre, 4º Fran