Entre o 2 de abril e o día 1 de maio celebrouse no Pazo dos Deportes Paco Paz de Ourense a Copa Galicia Internacional de Trampolín.

Foi este o primeiro evento, para a modalidade de Trampolín, no que os e as ximnastas puideron ver as caras do público, xa que foi o primeiro no que non era obrigatorio o uso de máscara.

Ademais dos clubs galegos, asistiron ao evento 9 clubes nacionais. O CXP estivo representado por 12 ximnastas de distintas categorías (11-12, junior, 17-21 e senior) destacando a participación na categoría junior con 7 ximnastas.

Dos 12 ximnastas presentados 8 acadaron podio: Na categoría 11-12 Uxía Blanco Cidón acadou o ouro en Trampolín (TR) e o bronce en DMT, a súa compañeira Ainhara Camoeiras Vázquez acadou o bronce en TR. Na categoría junior Marta Rodríguez Cancio fíxose co ouro en TR e bronce en DMT. Matero Rodríguez Pérez, Hugo Rodríguez Pérez e Pedro Castaño Garrido obtiveron o ouro, prata e bronce en TR acaparando a totalidade do podio nesta categoría, en DMT Pedro obtivo o bronce. Pola súa banda na categoría senior Alejandra Braña Barreiros e Noa Puente-Dodd Álvarez obtiveron a prata e o bronce respectivamente en TR e Alejandra repetiu podio en DMT obtendo un bronce.

En sincronismo junior Claudia e Marta obtiveron a medalla de ouro e Saúl e Hugo o bronce.

Do 8 ao 12 de xuño todos e todas terán a competición nacional, este ano de novo en Ourense.

Parabéns a ximnastas adestradores e familia!!!