Este domingo, os conxuntos escolares participaron no Campionato Galego Escolar de Ximnasia Rítmica celebrado no Pavillón Municipal de Pontevedra, unha competición que reuniu a 140 conxuntos de toda Galicia.

Os Clubs Pavillón foron a entidade ourensá con maior representación, contando con dez conxuntos clasificados para esta cita autonómica.

O resultado máis destacado chegou co conxunto de iniciación do Escola Pavillón, que quedou ás portas das medallas cunha meritoria cuarta posición, a só 0,200 puntos do podio, tras realizar un exercicio moi ben executado.

Tamén completou unha gran competición o conxunto infantil do Escola Pavillón, que conseguiu finalizar no posto 15º nunha categoría cun nivel e participación moi altos.

A tempada escolar afrontará agora a súa última cita coa Final da Copa Deputación, que terá lugar o vindeiro sábado 30 de maio en Celanova.

Desde os Clubs Pavillón amosan a súa satisfacción polo traballo, esforzo e compromiso de todas as ximnastas, adestradoras e familias: “Estamos moi orgullosos de todos os nosos equipos e de como representan os valores do club dentro e fóra do tapiz”.

Resultados:

Iniciáción: 4º Escola Pavilllón

Prebenxamín: 15º Ecola Pavilllón R

Alevín: 23º Escola Pavillón M, 27º Escola Pavillón A

Infantil: 15º Escola Pavillón, 22º CXPavillón P, 24º CXpavillón M

Cadete: 18º CXPavillón

Senior: 18º CXPavillón